БГЗХА «Хорошки»

Пресса

11 мая 2022 года

Концерт о трагических страницах белорусского народа в годы войны представил ансамбль «Харошкі»

Пресса

27 апреля 2022 года

Концерт, посвященный Великой Победе, представит ансамбль «Хорошки» 10 мая в Белгосфилармонии

Новости

19 апреля 2022 года

Сардэчна запрашаем вас, шаноўныя сябры, на святочны канцэрт «Ад смутку да вяселля» 10 мая ў Вялікую залу Белдзяржфілармоніі

  • Главная
  • Медиа
  • Пресса
  • Ой, ты, зімачка-зіма!..
Пресса
22.01.2015

Ой, ты, зімачка-зіма!..

Днямі ў вялікай канцэртнай зале Белдзяржфілармоніі з вялікім поспехам адбыўся канцэрт-спектакль Беларускага дзяржаўнага заслужанага харэаграфічнага ансамбля «Харошкі».
Ой, ты, зімачка-зіма!..

Чаму канцэрт-спектакль? Таму што папулярны ў нашай краіне калектыў стварае на сцэне самыя сапраўдныя маленькія балеты і цэлыя спектаклі. Іх героі-персанажы атрымліваюць дэталёва распрацаваныя харэаграфічныя партыі, музычныя тэмы, арыгінальныя касцюмы. А ўсё дзейства ў цэлым — завершаную драматургію з адпаведным сцэнаграфічным рашэннем.

Яркім пацвярджэннем таму стаў і нядаўні канцэрт пад назваю «Зімачка». Пачаўся ён вакальна-харэаграфічнай кампазіцыяй «Каляда». Сродкамі народна-сцэнічнага танца каларытна перадаюцца ўсе адметныя моманты гэтага яскравага зімовага свята. Тут і «цыганка», і «каза», і «чалавек са звяздою». Разгортваецца жартоўнае святочнае шэсце, падчас якога, па даўняй традыцыі, спяваюць, танцуюць, зычаць гаспадарам шчасця і дабрабыту.

Па-свойму адзначаюць свята ў панскім палацы (танец «Каляды ў маёнтку»). Спешчаная, капрызная пані патрабуе ад пакаёвак цішыні і ўмошчваецца ў мяккае крэсла, каб падрамаць, аднак вясёлыя, гарэзлівыя гульні маладых урэшце захопліваюць і яе. Нумар пастаўлены з глыбокім досціпам і мяккім гумарам.

Вядома ж, зіма ў вёсцы — не толькі адпачынак, гульні ды забавы. Гэта яшчэ і час карпатлівай працы, народнай творчасці. Пра гэта апавядае танец «Кросны» — танец, рытм якога нагадвае работу кроснаў — старадаўняга ткацкага станка. А пластыка танцораў выдатна перадае багаты ўзор традыцыйнага беларускага ткацтва.

Наступны танец — «Кужалёк» — рухае дзеянне канцэрта-спектакля далей. Мы бачым дзяўчат, якія трымаюць у руках сувоі вытканага кужалю. Калі пачыналася адліга, палатно рассцілалі на снезе, тапталі яго, мялі, білі, каб яно стала мяккім ды бялюткім, як снег. Гледачы зачараваны тым, з якой замілаванасцю і паэтычнасцю перадаюць артысты ансамбля ўсе этапы гэтай, здавалася б, будзённай сялянскай працы…

Канцэрт «Харошак», як і заўсёды, скончыўся авацыямі ў зале. У гэтым, вядома, галоўная заслуга мастацкага кіраўніка ансамбля, народнай артысткі Беларусі, лаўрэаткі Дзяржаўнай прэміі рэспублікі Валянціны Гаявой. Абапіраючыся на глыбокія традыцыі народна-сцэнічнага танца і свабодна валодаючы мовай сучаснай харэаграфіі, яна стварае яркія, маштабныя, жыццесцвярджальныя харэаграфічныя палотны. Літаральна кожны нумар — гэта сапраўдны сцэнічны шэдэўр, у аснове якога спалучэнне дасканалай харэаграфічнай тэхнікі, адметнага нацыянальнага каларыту і высокага майстэрства артыстаў ансамбля.

Поспеху канцэрта, несумненна, садзейнічалі арыгінальныя, бездакорныя музычныя апрацоўкі і аранжыроўкі Уладзіміра Гінько, а таксама самабытныя касцюмы, створаныя мастакамі Аляксеем Гаявым і Юрыем Піскуном.

Автор: Зіновій Прыгодзіч

Источник: Звязда

  • Главная
  • Новости
  • Коллектив
    • Художественный руководитель
    • О коллективе
    • Гастроли
    • Райдер
    • Школа-студия
    • Оркестр
    • Идеологическая работа
  • Программы
    • «Мы –белорусы» («Времена года»)
    • «Полоцкая тетрадь»
    • «Фольклор»
    • «Туровская легенда»
    • «Прощай, ХХ век» («Бобруйские картинки» и «Местечковые картинки»)
    • «Моя судьба – Хорошки»
  • Медиа
    • Пресса
    • Видео
  • Контакты
© 2004-2017 БГAЗХА «Хорошки»
Разработка: РИПЦ «Октябрьский»
Победитель Интернет-премии «ТИБО-2018»Интернет-премия «Тибо-2018»

КУПИТЬ БИЛЕТ

  • BE
  • EN
<