14 студзеня 2024 - 50 гадоў з дня заснавання ансамбля "Харошкі"
14 студзеня 2024 - 50 гадоў з дня заснавання ансамбля "Харошкі"
Кожны іх танец – гэта міні-спектакль. Жыццесцвярджальныя і сумныя, гарэзлівыя і павольныя, яны заварожваюць, яны вымушаюць заміраць у замілаванні ці прытанцоўваць нават у крэсле. Адточаныя сінхронныя рухі артыстаў, цудоўная жывая музыка, шыкоўныя касцюмы – упэўнена, случчане, якія пабывалі на канцэрце ў Доме культуры, не пашкадавалі аб гэтым. А як прыгожа спяваюць салісты вакальна-інструментальнай групы, як чароўна гучаць нашы народныя мелодыі. Мая душа спявала. І не толлькі мая, словы захаплення чуліся то тут, то там у зале, пасля канцэрта. На працягу ўсяго прадстаўлення гледачы дзякавалі гарачымі апладысментамі.
Сёлета Беларускаму дзяржаўнаму акадэмічнаму заслужанаму харэаграфічнаму ансамблю «Харошкі», якім нязменна кіруе ўвесь гэты час яго заснавальнік Валянціна Іванаўна Гаявая, – 45 гадоў. Амаль паўстагоддзя радуюць таленавітыя ўдзельнікі ансамбля сваім майстэрствам не толькі суайчыннікаў, «Харошкі» вядомыя далёка за межамі нашай краіны. «Беларусы», «Полацкі сшытак», «Бывай, XX стагоддзе», «Тураўская легенда» – гэтыя праграмы расказваюць пра Беларусь і беларусаў на мове танца.
І калі вы ўбачыце афішу «Харошак», ідзіце на канцэрт абавязкова. Зарад пазітыву атрымаеце надоўга. І гэта проста вельмі прыгожа.
«Харошкі» запрашаюць на канцэрты ў Мінску.
Ірына ВЕЧАР.
