Беларускі дзяржаўны акадэмічны заслужаны харэаграфічны ансамбль «Харошкі» 23 красавіка на галоўнай сцэне Нацыянальнага акадэмічнага тэатра імя Янкі Купалы прадставіць канцэртную праграму «Вясна ў Купалаўскім» ‑ яркую, эмацыйна багатую, напоўненую разнастайнымі фарбамі і непаўторнымі мастацкімі вобразамі.
Праграма прысвечана самай жыццесцвярджальнай пары года. Мовай харэаграфіі ў ёй апяваецца прыгажосць прыроды, грацыя і хараство славянскай жанчыны. Гледачы ўбачаць лірычныя, поўныя пяшчоты кампазіцыі, а таксама цікавыя, дынамічныя нумары ‑ трыумф жыцця, шчасця, кахання, адраджэння Зямлі. Расліны, птушкі, людзі славяць цудоўную пару года, адчуваюць ўнутраны ўздым, прыліў сіл і энергіі – гэта найлепшым чынам адлюстравана ў тэатралізаванай праграме «Вясна ў Купалаўскім».
Да сустрэчы, шаноўныя сябры, 23 красавіка ў Нацыянальным акадэмічным тэатры імя Янкі Купалы (г. Мінск, вул. Энгельса, 7) на дзіўным і непаўторным свяце высокага харэаграфічнага мастацтва, якое абавязкова падорыць вам многа радасці і выдатны настрой!
Пачатак а 19-ай гадзіне. Канцэрт пройдзе пад жывую музыку ў выкананні камерна-інструментальнага і вакальнага ансамбля.
Запрашаем набыць квіткі, ў касе Купалаўскага тэатра, а таксама анлайн на www.kupalauski.by, www.ticketpro.by па спасылках:
https://tce.by/shows.html?base=QzVDQkNGM0ItQ0U5OC00OUEzLTk2RkUtQkIxRTAyRTczQkI2&data=8207
https://www.ticketpro.by/kupit-bilet/45557/
Замовіць квіткі можна па тэлефоне +375 17 367 17 17.
