Шаноўныя сябры! Сардэчна запрашаем на наш святочны канцэрт, прымеркаваны да дня нараджэння калектыву. У першым аддзяленні вы ўбачыце нумары, у якіх адлюстраваны беларускія зімовыя святы і абрады:
“Каляда” – у гэтай вакальна-харэаграфічнай кампазіцыі сродкамі народна-сцэнічнага танца каларытна перадаюцца ўсе адметныя моманты самага вясёлага і яскравага зімовага свята: разгортваецца шэсце, падчас якога, па даўняй традыцыі танцуюць, жартуюць, спяваюць, зычаць гаспадарам шчасця і дабрабыту;
“Завеі” – танец сапраўды зачароўвае і перадае прыгажлосць роднай прыроды ў зімовы час;
“Кросны” – танец, рытм якога нагадвае работу кроснаў – старадаўняга ткацкага станка. А пластыка танцораў выдатна перадае багаты ўзор традыцыйнага беларускага ткацтва. Вядома, зіма ў вёсцы – не толькі адпачынак, гульні ды забавы, гэта яшчэ і час карпатлівай працы, народнай творчасці;
“Кужалёк” – у гэтым танцы дзяўчаты трымаюць у руках сувоі вытканага кужалю. Калі пачыналася адліга, палатно рассцілалі на снезе, тапталі яго, мялі, білі, каб яно стала мяккім ды бялюткім, як снег. З вялікай замілаванасцю і паэтычнасцю перадаюць артысты ансамбля ўсе этапы гэтай, здавалася б, будзённай сялянскай працы;
“Дрыготка” – у старадаўнія часы беларускія дзяўчаты вышывалі запаветную хустачку, каб падарыць яе свайму выбранніку. Той, хто атрымліваў дарагі сэрцу падарунак, мог смела ісці ў сваты да яе бацькоў…
Кожны нумар у праграме “Зімачка” – гэта сапраўдны харэаграфічны спектакль, у аснове якога – спалучэнне адметнага нацыянальнага каларыту і высокага майстэрства артыстаў. Упрыгожваюць канцэрт выдатныя вакальна-інструментальныя кампазіцыі.
У другім аддзяленні канцэрта вы ўбачыце маляўнічыя нумары з залатога фонду ансамбля.
Чакаем вас 15 студзеня ў Беларускай дзяржаўнай філармоніі!
(г. Мінск, пр. Незалежнасці, 50). Пачатак а 19-ай гадзіне.
Запрашаем набыць квіткі на канцэрт у падарунак вашым родным і блізкім!
Кошт квіткоў 12-18 руб.
Квіткі без камісіі можна набыць:
+375 25 744 51 20 (Life, Viber), +375 17 374 84 52.
Таксама набывайце квіткі анлайн па спасылках:
https://www.ticketpro.by/bilety-na-koncert/ansambl-xoroshki-zmachka-15-yanvarya-2022/
Спяшайцеся! Ансамбль “Харошкі” пакажа тэатралізаваную праграму “Зімачка” толькі 15 студзеня! Канцэрт абавязкова падорыць вам радасць і добры настрой, напоўніць цяплом пахмурныя зімовыя дні!