Яркія харэаграфічныя міні-спектаклі «Вечар у замку», «Сярэднявечная плошча», «Танец рамеснікаў», «Шляхетны вясельны», «Закаханы стражнік», «Сакалінае паляванне», «Пілігрымы», «Свята ў прадмесці» ‑ каштоўныя дыяменты ў скарбонцы ансамбля «Харошкі». Пад чароўную музыку ў выкананні аркестра калектыва вытанчаныя дамы і кавалеры ствараюць атмасферу таямнічай эпохі Адраджэння. На сцэне нібы ажываюць персанажы старажытных палотнаў і гравюр - гэта і магнаты Вялікага Княства Літоўскага, і рамеснікі, і вандроўныя акцёры, і паэты-музыкі, і простыя гараджане, і жабракі…
Спецыяльна для праграмы «Па старонках «Полацкага сшытка» былі створаны ўнікальныя сцэнічныя касцюмы і галаўныя ўборы, многія з якіх упрыгожваюць элементы ручной працы: вышыўка, ткацтва, пляценне.
У 1996 годзе за пастаноўку выдатнай гістарычнай праграмы «Па старонках «Полацкага сшытка» таленавіты харэограф, стваральнік і нязменны мастацкі кіраўнік ансамбля «Харошкі» Валянціна Гаявая была ўзнагароджана Дзяржаўнай прэміяй Рэспублікі Беларусь.
Да сустрэчы 16 снежня ў Купалаўскім на сапраўдным свяце высокага харэаграфічнага мастацтва! У пахмурныя зімовыя дні ансамбль «Харошкі» і праграма «Па старонках «Полацкага сшытка» абавязкова падораць вам радасць, цяпло, выдатны настрой, асобую атмасферу казкі! Пачатак а 19-ай гадзіне.
Даведкі і замова квіткоў па тэлефоне: + 375 29 693 25 08.
Запрашаем набыць квіткі анлайн на сайце тэатра і на сайтах квітковых аператараў www.ticketpro.by і www.kvitki.by.