Гэты ўнікальны камерны праект – хвалюючая сустрэча з яркай эпохай беларускага барока. У праграме прагучаць творы са зборніка музыкі “Полацкі сшытак” – каштоўнага дыямента нацыянальнай культурнай спадчыны.
У цэнтры ўвагі – музыка і адзін з найпрыгажэйшых музычных інструментаў – жывы чалавечы голас. Вы атрымаеце сапраўдную асалоду ад непаўторнага, лірычнага, напеўнага гучання музычных інструментаў у кампзіцыях “Гімн”, “Вечар у замку”, “Салома”, “Скамарохі”, “Менестрэлі”, “Сакалінае паляванне”, “Капрычыо”, “Танец рамеснікаў”, “Свята ў прадмесці”, нумарах “Шляхетны вясельны”, “Раговы”, “Трохдольны”, “Урачысты”, “Прыдворны”, “Струнны”, “Святочны”. Вас не пакінуць абыякавымі пяшчотныя вакальна-інструментальныя кампазіцыі “Князёўна”, “Дзе б ты ні была, кахана”, “Песня да Ружанцовай Маці Божай” і іншыя.
Чароўная музыка віртуознага выканання, выбітны вакал, раскошныя сцэнічныя касцюмы створаць асобую атмасферу далёкай таямнічай эпохі, абавязкова падораць вам вялікае эстэтычнае задавальненне і выдатны настрой.
Чакаем вас 20 мая а 14-ай і а 16-ай гадзіне ў Нацыянальным гісторыка-культурным музеі-запаведніку “Нясвіж”.
Даведкі і замова квіткоў па тэлефонах:: +375 17 702 06 02, +375 29 551 80 51, +375 29 190 31 49.
Запрашаем набыць квіткі на www.khoroshki.by і на www.kvitki.by
