14 студзеня 2024 - 50 гадоў з дня заснавання ансамбля "Харошкі"
14 студзеня 2024 - 50 гадоў з дня заснавання ансамбля "Харошкі"
Беларускі дзяржаўны акадэмічны заслужаны харэаграфічны ансамбль "Харошкі" запрашае на сольны канцэрт "Вясна" 21 красавіка ў Вялікую залу Беларускай дзяржаўнай філармоніі. Аб гэтым карэспандэнту БЕЛТА паведамілі ў ансамблі.
Як адзначыла загадчыца трупай ансамбля Валянціна Гехт, эмацыйная, напоўненая яркімі фарбамі, непаўторнымі вобразамі канцэртная праграма апявае абуджэнне жыцця. "Наш нязменны кіраўнік Валянціна Гаявая па натуры вельмі назіральны чалавек, і дзякуючы гэтаму часта нараджаюцца новыя нумары. Крыніцай натхнення для стварэння гэтай праграмы сталі абуджэнне прыроды і тэма кахання. Гэта час, калі пачынае раставаць снег, выглядае сонейка, неба набывае далікатнft блакітнft адценне, а ў паветры адчуваецца незабыўны вясновы водар. Касцюмы падкрэсліваюць гэтыя вобразы, - распавяла яна. - у першым аддзяленні публіка ўбачыць пяшчотны, рамантычны нумар "Вяснянкі" аб кропельках расы, спевах птушак, першых промнях сонца, гульнявы і больш гумарыстычны нумар "Валачобнікі", лірычны "Перапёлачка", яркія і дынамічныя нумары "Юр'еў конь" і "Вясновыя скокі", у "Гуканні вясны" рухi артыстаў адлюстроўваюць абуджэнне зямлі ".
У другім аддзяленні канцэрта - лепшыя кампазіцыі з залатога фонду ансамбля. "Тут будуць прадстаўлены фальклорныя нумары. Сярод іх "Гомельская кадрыль", "Віцебская полька", "Гусарыкi", парны танец "Каханачка ", - сказала Валянціна Гехт.
Юныя выхаванцы дзіцячай студыі пры ансамблі "Харошкі" пацешаць гледачоў цудоўным нумарам. "Хлопцы выканаюць нумар "Вясна на калочку": ручкі цягнуцца ўверх - да сонца, неба. Маладыя артысты старанна рэпеціруюць, аднак усё роўна перажываюць, каб усё прайшло добра. У калектыве перад выступам заўсёды прысутнічае хваляванне, без якога нічога не атрымаецца. Эмоцыі дазваляюць праявіць сябе на сцэне, дапамагаюць дамагчыся таго, каб рухi былі натуральнымі ", - дапоўніла загадчыца трупай.
"Пры працы над праграмай я адчуваю выключна станоўчыя эмоцыі, бо наступіла вясна, прырода абнаўляецца, - падзяліўся заслужаны артыст Беларусі, выканаўца сольных партый Андрэй Макарук. - Выступаючы на сцэне, я хачу паказаць публіцы прыгажосць беларускага танца, данесці нашы традыцыі, бо вельмі важна, каб людзі не забывалі пра гэта, шанавалі і перадавалі з пакалення ў пакаленне. Акрамя таго, выдатна дзяліцца энергіяй і радасцю з гледачом. Калі бачыш, што публіка задаволеная, добра прымае, яшчэ больш выкладваешся, атрымліваеш ад гэтага асалоду і жаданне працаваць далей".
Ансамбль "Харошкі" - аўтарскі калектыў. Яго стваральнік і кіраўнік - народная артыстка Беларусі Валянціна Гаявая. Таленавіты харэограф глыбока і дасканала даследуе беларускую культурную спадчыну, своеасабліва пераасэнсоўвае яе і вяртае да жыцця. Абапіраючыся на аснову народна-сцэнічнага танца і свабодна валодаючы мовай сучаснай харэаграфіі, яна стварае маштабныя, яркія, жыццесцвярджальныя спектаклі. Сярод іх "Тураўская легенда", "Полацкі сшытак", "Бывай, XX стагоддзе!", "Добры вечар, госці!", "Беларусы".
БелТА
Фота ГУБГЗХА "Харошкі"
